21/09/2005 關西遊 Last Day

今天是最後一日，決定去大阪城，去大阪都冇去過大阪城成何體統呀。從酒店checkout，把行李放入車站locker， 之後便出發。大阪城果然不同凡享，很宏偉，景色幽美。當日遇見不少香港人，黎左咁多日終於聽到廣東話了，感動！走 上天守閣最頂層，遠觀大阪城附近的景色，很美麗。之後回去車站取回行李，幸運地看見日本出名的『蛋包飯』，當然要 試下啦，是一層蛋包住d炒飯咁，冇想像中咁美味，但也不差，最衰唔記得左影相，掛住食。跟著坐電車前往機場附近的 rinku outlet 作最後shopping，得番不足一小時的搶購，很急地買了一件風褸only，之後便前往機場，在機場再 食多次章魚燒，之後去檢查身上的物品，今次醒目，沒有帶任何含鐵的物件上身，安全通過。約5:45，我們踏上飛機， 這架是國泰機呢，被安排坐飛機中間的位置，有點失望，坐唔倒窗口位，但每個座位都有電視機。約6:15分，飛機便起 飛了，再見大阪了，很喜歡日本啊~~在飛機上看了一套日本電影『beat kids』，有相武紗季主演，為這個旅程畫上完 美的句號。

  
後記：

日本店員真係好有禮貌，經常掛著笑臉，感受到一種親切的感覺。日本學生好鐘意扎孖辮仔，而且好少染髮。 人樣不提，但校服明顯比香港靚好多。日本人真係好鐘意玩波子機，未開舖已經有人排隊…..
還有，日本物價真的太高，香港好多野都平過日本。

吃方面，食左拉麵、tonkatsu、壽司、刺身、章魚燒、蛋包飯、刨冰等，都算食左好多日本既特色美食， 價錢雖然貴，但真係幾好食。特別係那個味噌katsu，真係諗起都想食。
日本真係有好多唔同型號的電車，又有好多線路，又分地下鐵同電車，d 交界處多到嚇死人，個車站又大到飛 起，真係行死人。特急電車車箱內個mon 睇到車頭景，好似玩緊電車go咁！總站時d 椅仲會自動180度掉轉方 向！電車2邊門的設計竟然利用作月台間的橋樑，讓另一邊月台的人走過這一邊的月台！巴士站有個牌可以睇到 架巴士去到咩站，同電車一樣，呢樣野香港真係要學下，可以知道仲要等幾耐。
日本人好多都會踩單車，但不知為何，你阻住佢都好少叮你，只會避你。
坐飛機原來是這樣的感覺，同坐車冇咩分別，除了降落果下震d之外，都好穩定，又有電視睇，飛機餐 聽人講好難食，但我覺得好好味。係去廁所麻煩d，好多人排隊。
日本的電視節目好鬼多種類，朝早的節目也不是報新聞的，經常探討一d新聞為多，成班人一齊討論咁。夜晚d節 目經常都好搞笑，睇到唔想訓。
天氣真係好到無得彈，旅行前個颱風剛剛離開，之前鬼咁擔心，好彩去得成。去到日日都好天，番到香港之後一 日又有颱風打日本，你話係咪好好彩。
我覺得回到香港之後既一兩個星期也是旅行最開心的時間，經常也會腦海中回味日本既點點滴滴，會心微笑。看著 相片，想想當時既情景，很想回去啊！不知有冇人同我有同一種想法呢。
但人的記憶始終短暫，所以要靠相片及文字去記載，如果記憶可以永久保存就好了。
回想一下，我的日文真的很不濟，這次旅行讓我更認識了自己，改變了自己。此外，我決定要從新再學日文。
回到香港後，好想再食味噌katsu同埋蛋包飯，睇下香港有冇得食先，日本茶也想再飲飲呢。

20/09/2005 關西遊 Day 6

今天的行程係去京都，第一站係去清水寺，乘坐電車再轉乘巴士，再步行前往清水寺，一踏入清水寺，oh my god！ 好多中學生！實在太令人感動了，有咁多學生一齊遊覽，彷彿回到中學時代去旅行的日子，周圍睇景之餘也可以睇下……， 有一個地方給人祈求戀愛運，很多學生在許願(不出所料...)，她們都在求籤，但我因為日文不太掂檔，並冇嘗試。另外 有很多寺廟，充滿古都既風味，還有一個地方可以喝泉水，三條泉水從屋簷上流下來，聽聞是分開三種願望的泉水，但我 唔知邊個打邊個，試旦揀左條飲了一口，普通清水的感覺。有一對情侶叫我幫佢地影相，影完後我講左句日文，被他發現 了我不是日本人，同佢地對答左幾句，最後佢同我講『奸爸爹』，嗯！我會努力的！離開清水寺的小路更加充滿了日本風 味，沿途的店舖好有日本味，也見到著住和服的女人，很有特色。我們在那條街上找了一間拉麵店食lunch，叫了個檸檬 刨冰，但估唔到咁大碗的........跟著去了八阪神社，明顯比清水寺少人好多，四處望一望，買了些紀念品便離開了。 跟住又去搵位於京都的hello project shop (又黎!!!)，又找左一大輪終於找到，間舖依然好簡陋，好似就執笠咁 ......今次買到想買既野，離開時在附近的運動店找到中村俊輔的商品，當然買番d做紀念，另外看見有人在橋底拍緊 野，好多人圍觀，我當然睇埋一份，見到拍緊一個女仔，但唔知係乜水黎，跟住本來想去一澤帆布買野，但時間不早，決 定回去酒店，又在道頓堀吃了個拉麵，今晚係日本旅行的最後一晚，再去書店逛一逛便回酒店訓了。

19/09/2005 關西遊 Day 5

今天要和日本朋友們分別，他們送我們到車站後便正式分別了，很多謝他們這2天的照顧，認識他們是我一生的驕 傲。乘坐約二個小時的電車前往難波的酒店放底行李，但找酒店又用左好多時間，日本d地圖真係唔掂檔，睇死人咩。 放底d野後，之後去找尋hello project shop (私人理由A_A)，找左好耐終於找到，非常細間，好似就執笠咁既 款，揀左一陣買左個a4 file only，跟著去左間快餐店食漢堡飽，之後出發去甲子園，亂闖亂撞並幸運地坐上『甲 子園臨特電車』，全車都是阪神老虎的fans(著晒球衣...帶晒支持道具...)，似乎今天有比賽呢，好快便到了甲子 園站，跟著人群一起下車，終於看到久違了的甲子園球場，我經常在動畫及日劇見過，但好想親身觀摩一下，終於如願 以償，好多人都準備入場，場內的吶喊聲連出面都聽到，之後離開前往手塚治蟲紀念博物館，場館得3層，放置了好多 原稿之類，還有一D模型咁，由於我不是FANS，所以不太熟。跟著去了神戶，本來想在神戶shopping，但不幸地行錯 路 (oh my god...)，由於已經心身疲累 (因為只訓了約4個小時，又行左大半日)，最後決定回去酒店，回到難波， 唔知食咩好，又食漢堡飽 (ps 今日三餐都係食漢堡飽...)，跟住去便利店買個杯麵，回去酒店食埋就訓了。

18/09/2005 關西遊 Day 4

約9時幾起床，刷牙洗面後，便和朋友的屋企人一起吃早餐，第一次吃傳統日式早餐啊，有飯，有湯，有腸蛋，有 紫菜，有碗唔知叫咩，從未試過早餐食飯 (小弟係未試過的)，用紫菜夾住飯食又幾好味喎，食完後很滿足。之後等埋 另外一個朋友，便一起前往長島spaland到shopping，長島spaland是關西一個頗出名的遊樂場，裡面有一個outlet 可shopping的，看到spaland既過山車路軌，真係唔敢相信，係咪真係有人會玩這種過山車，但聽講因為曾有意外， 過山車已經停止服務。走入outlet，裡面有nike，adidas等熱門牌子，好多都好平，行左好耐，看到有一班女仔 (都 有一兩個男仔...) 準備表演jazz，太好了，剛剛香港睇完 swing girls，對jazz好有興趣，她們真的演奏得很好 ，現場睇真的好正。另外，這個outlet設計得好童話feel，好鬼正。

之後離開spaland，去了mycal 購物商場，這是我的日本朋友的工作地方，就好似吉之島咁，有好多唔同既野賣 ，跟著去了食lunch，朋友帶了我們去食『Tonkatsu』，我叫了『味噌Katsu定食』，好鬼好味，咁多日最正呢餐， 係一d炸豬肉加一些日式醬料，配埋飯一齊食真係好好味呀呀~~ (好食到飛左上天)。之後去了遊戲機中心，有好多夾 公仔機，我夾左成千yen都夾唔到死人winnie the poon，另外見到好多細路玩緊賭馬機同波子機(好驚訝…)日本 打舖機都要成100yen，太貴了，仲要係舊game！

隨後繼續在mycal裡shopping，逛過新星堂、玩具部、衫店咁，跟住同日本朋友既同事打過招呼後，又坐車去吃晚 飯，今次我們總共有10人一起食飯，店員安排我們到一間日式房間裡，房前要脫鞋，我點了壽司拼盤，感覺上同香港果d 冇咩分別，總之幾好味啦，食下食下又成11點幾先走，回到朋友家中，再嘗試日式沐浴，之後又成 2點幾先訓…..

17/09/2005 關西遊 Day 3

這一天，由於一早約好了住在三重的日本朋友，所以好早便乘搭特急電車前往桑名，車程約二小時，電車上最令我 驚訝的是電視螢幕會睇到電車行駛時的第一身影像，即係好似電車GO咁，原來日本已有這個想法。約9:30，我們到達 了桑名站，由於朋友未到，在便利店逛左個圈，突然有人拍我的膞頭，回頭一望，原來是我的日本朋友，這樣重逢真是 意料之外呢。諗住會在遠處見到互相揮手，以疾走的腳步奔向對方，雙眼滿淚盈眶地打一聲招呼 (似乎誇張左小小....) ，和日本朋友見面後，便一起前往東大寺，我的日本朋友駕著私家車載我們到東大寺，原來日本的私家車都有GPS，好 厲害，Touch Screen來的，篤幾篤找想要去的地方，系統就會有路線圖教你點去！太厲害了！經過約一個半小時的漫 長車程，沿途仲有d好似秋名山的山路，好多髮夾彎！左轉右轉，加埋GPS有個map顯示，好似玩緊賽車game啊！

終於到達東大寺所在的奈良公園，一入門口已經有好多鹿走黎走去！四處也有不少外國遊客，經過一個收費處後， 到了大佛殿，入去前需要在門前右面的清泉洗一洗手，洗過手後，便進入大殿參觀，裡面有個好大的佛像，還有數個石 像，出口處有售賣紀念品的地方，當然要買番幾個夢寐以求的護身符呢。之後去到一個地方可以許願之類，在日劇經常 看到，當然要試一試，拋下銀仔，敲響銅鑼，便合起雙手許願。跟著便去吃lunch，點了個燒鳥丼，即係燒雞飯，吃完 後便離開東大寺，回去桑名市，又坐了一個半小時多的車程，到桑名時約 6 時左右，朋友便帶我們去起晚飯，他們還有 幾個日本朋友一起吃飯，去到餐廳入口時，要將鞋放入locker裡，見到d 座位時，以為要跪住黎食tim，好彩可以坐 的！朋友點了好多食物，有刺身，魚子，沙拉，pizza (!!!)，肯德雞 (!!!)等，大家嘻嘻哈哈吃到10點幾，之後去 了朋友屋企寄宿，這是一間2層高的西式房屋，四周也是空地，好舒服的感覺啊。此外，還第一次嘗試日式浴室沖涼，即 係有個位坐係到洗身，洗完後浸入浴缸！好有趣！之後朋友給了我一杯日本茶，是凍的，第一下感覺好似咖啡咁，但又 有茶味，感覺好新鮮，好好飲。搞下搞下 2 點幾先有得訓 (好眼訓……)。

16/09/2005 關西遊 Day 2

一早起了床，就去搵早餐食，去左黑門市場，好多店舖都未開舖 (定係已收了舖？)，買左梳蕉同埋提子，之後 入左間西餐廳到食早餐，點了個早晨全餐，熱焗餅及熱狗，結帳要成千yen…….(好貴….)，之後返去酒店放底 2 梳 蕉，就出發去第一個景點『環球影城』，坐左一陣電車，到達了車站，懷著期待的心情向著影城前進，沿途有一間 『玩具蛋店』，便入去睇睇，點知我見到有日本球員蛋，想抽個中村俊輔，抽左二次都唔中，朋友幫我抽左個中田 英壽，都好過冇啦。抽下抽下都抽左1200yen……

再向前行多幾步，就到了環球影城了，一入正門左面已經有個好宏偉既擺設，即刻影番幾幅相啦！突然有三個日 本女仔要我地幫佢楂機影相 (好kawaii 呀!!)，當然噴飯話冇問題啦！影完之後就買票入場了，一張5500yen，入 口附近是西式的大街，很華麗，我地邊影相之餘，要決定玩d乜先，去到『蜘蛛俠』場館，問口寫住 50 min，不太明 白是什麼意思，便問職員，原來即係要等50min先玩得，嘩！咁鬼耐，便決定去下一個場館睇睇，去到『回到未來』， 又係 50 min，把心一橫，決定直接去我夢寐以求既『侏儸紀公園』場館，去到場館，又係 50min，但都決定排隊了， 入到裡面已有好多人排緊隊，而且很熱，幸好排在前面同後面都係女學生 (!!!)，有d野望下冇咁悶，排左唔夠半小時， 已經到我們玩了，我戰戰兢兢地坐在座位上，這是一架約坐25人的路軌船，不幸的是我坐在最右邊，心知不妙了…….出 發了，wo~ wo~ 期待已久既『侏儸紀公園』終於開始了，雖則船是有路軌的，但感覺真係似搭船，氣氛也很好，沿途 也有不少草食性恐龍，我輕輕鬆鬆地欣賞著恐龍，因為我相信草食性恐龍應該冇咩驚嚇位，但不幸的事發生了，其中一 隻恐龍竟然噴水！！！仲要係對住我噴到正 (為何全船人得我一個中招，好悲……)，之後進入了肉食性恐龍範圍，氣氛也 變得緊張了，好多恐龍在旁邊跳出來，又有貨櫃假裝跌落船上，最後一段真係好難忘，在一片漆黑的環境中，船不斷向上 斜 (心知不妙…)，去到最頂的時候，有一隻特大暴龍向你張牙怒吼，真係好正，我睇到入晒神，但突然急速下滑，個個都 v嘩鬼叫，好似玩過山車咁！落到出口時，d 水花飛起晒，搞到成身濕晒，終於玩完了，真的很好玩。
之後走左去附近的鯊魚場館，又係 50min，但都係期待遊戲之一，所以就排隊，等左都係唔夠半小時，又到我們玩了， 這次真的是一隻坐到30人既船，但其實都係有路軌的，船上有一個導遊講解，很得意，雖則唔知佢講乜，但大約都估到， 當有鯊魚出現的時候，她就會?支搶射佢，但火力似乎誇張左少少……d水花有二層樓咁高。可能我坐在船的中心位置，船 兩旁又有圍欄，冇剛剛『朱羅紀公園』時感覺空盪盪，所以我頗輕鬆，即使鯊魚在船邊出現，我也嘻嘻哈哈，又一幕導 遊唔知射爆左d乜，大爆炸，起晒火，一股熱氣好有迫力，很正！好有電影feel！最後一幕隻鯊魚在船左方彈出黎，嚇 到左面d乘客嗌晒救命，我坐在右方，大叫過癮！導遊又用佢支超強火力既槍射隻鯊魚，d水花彈到左面d乘客一面都係， 最後鯊魚被打瓜了，就這樣，玩完了。這個也很有趣呢。

跟著去了食lunch，d野好鬼貴，叫個芝士漢堡便算了。
食完lunch後，去了玩 ET Adventure， 今次只係寫住 25min，好快便入到去，一開始要問你咩名俾張passport 你 ，之後入到一到森林裡排隊坐車，森林真係設計得好有心思，漆黑黑一片，蟲聲鳥聲為俏為妙，排左幾個字，到我地玩了 ，這次是一部坐6人的吊車，設計成一架單車的座位，沿途經過一些森林，設計頗細緻，去到一個場景飛上夜晚半空做得 唔錯，之後有一個場景進入時光隧道，很正！有一個圓型隧道彌漫住一d綠色霧，真的好似進入時光隧道咁，之後去到一個 外星世界咁，最後有隻ET會提及你的名字，原來一開始問你名就係這個用途，這個遊戲很平淡，岩晒小朋友玩。
跟住去玩蜘蛛俠，寫住30 min only，即刻排隊，由於對蜘蛛俠沒有什麼認識，所以不怎麼期待，開始玩時，要帶上一副 3D眼鏡 (!!!)，坐上一架約20人的車上，我們坐在第一排的右面，出發了，沿著路軌慢慢前進，突然有個蜘蛛俠跳在我面 前！真的好近，這是3D眼鏡的功能吧！恐怖的旅程開始了，一個個敵人在我的眼前出現，不斷攻擊我，架車會隨著攻擊周圍 轉 (!!!)，左轉右轉，360度大旅轉，眼前的景物睇到眼都花，敵人又放電又放火又放水又放飛彈，最正係放水真係有水花 彈到你，放火真係有熱氣，仲有一幕架車從高樓跌到地下(玩跳樓機嗎)，臨到地面急停，又有衝向圍牆等，最後蜘蛛俠終於 打底晒D敵人，玩完了。那些3D動畫真係一流，真的置身現埸一樣，超級刺激，仲正過過山車，這個有埋視覺享受，聽覺享 受，觸覺感受。
時間已5點幾，只係玩左 4 個GAME，有點意猶未盡，再玩多一個，見4D史力加只需30min，便決定玩這個，排了真的半小時 ，終於入去了，未開始玩前，有段唔知講乜旳序幕，好悶，之後入得去，原來係睇電影咁，坐上座位望住大銀幕便可以了，又 要戴上3D眼鏡 (!!!)，開始了，3D 眼鏡真的好厲害，畫象又迫在眼前了，畫象就像跳出大銀幕似的，有一幕經過D湖，D水 花彈向銀幕，竟然真係有水花彈向我，原來係前面張椅有機關噴水，好鬼正，又有一幕好多蜘蛛跌到地，隻腳真係有好多野郁 既感覺！！有時飛上半空，頸後又會有風！張椅又會震！好鬼正！原來這就是 4D ！
大約6點半，我們便離開環球影城。真的盡興而歸！遺憾是沒有玩晒所有GAME，相信也會很好玩。若果要我排我玩過的 5 個 GAME，我會咁排：蜘蛛俠，侏儸紀公園，4D史力加，大白鯊，ET冒險。大家記住要試下玩。

之後去左大阪諗住SHOPPING，點知D舖頭鬼死咁早閉門，又冇咩岩買，最後番去難波道頓堀食DINNER，去左食叉燒拉麵 ，900YEN！又食左章魚燒，都OK好食，道頓堀有好多食店，有好多人好熱鬧，跟住見到間大型CD+DVD+GAME+書既店舖叫 『TSUTAYA』，這間『TSUTAYA』是有五層高的，好多CD都有得賣，立即去掃一掃先，買左 3 隻CD，比香港平一截，好開心 ，跟住便回酒店了。這日又完了。 

15/09/2005 關西遊 Day 1 日本我來了

籌備半年既旅行終於要起行了，最初是決定去東京的，但因為有日本朋友既熱情邀請，便決定改往大阪。 話說開頭，我是第一次去日本的，也是第一次海外旅行，自喜歡日本以來，便已經決定了我的第一次海外旅行 一定要去日本，今天終於實現。今天我和一個朋友會乘坐3:00pm日航班機飛往日本大阪，約1:00pm，我們到 達了香港國際機場並且check in。這是我第一次踏足香港國際機場，第一個感覺已覺得機場很華麗，很尖端。 Check in 過後，去了機場裡的味千拉面食 lunch，點了tomato拉面，幾好味~ 跟著，便急急腳地走去過關 ，去到檢驗危險物品時，我一走過感應器便『DO!!!!』Oh my god！跟著便俾人『的』左去搜身，最後發現係 皮帶扣含鐵既緣故……約2:45pm，我們便上了飛機，我們既座位竟然係飛機右面最後排既窗口位，也不錯吧，望 晒全飛機 (係等食物可能耐d……)
起飛了！起飛了！心情很緊張！轉眼間已飛左上半空，盪下盪下咁，全機窗口位d人都一齊望向窗外，欣賞香港既 全景 (原來迪迪尼係咁細，連座城堡都睇唔到……) 不久便有飲品供應，由於空姐是日本人，於是我便自告奮勇用 我半桶水的日文叫了一杯橙汁。之後過了不足半小時，又有飛機餐來了！我揀了seafood，點知seafood原來係 『星洲炒米』！！成日聽人講飛機餐好難食，但我覺得好鬼好食喎！全部也吃得七七八八，之後聽聽飛機上的日文 歌電台，訓下訓下，約日本時間 7:40pm，到達了關西空港。

終於真真正正踏足日本，心情很興奮，去到閘口過關竟然得一個日本職員，日本本地居民有5個職員，外國人得 一個職員！？豈有此理！排左成半個鐘，終於過左關去?行李，真正踏出禁區！一出到接機口，就見到一堆日本學生 正在等唔知咩人，楂晒d banner 咁，同我日劇見到既一樣，很有趣！之後搞左一輪買pass，買車票等等，乘坐電 車去難波，坐左唔知幾耐，到了難波站，已經夜晚 9:xx pm，出發去搵酒店，又搵左一輪，終於搵到，倦到飛起，但 仲未食飯，便在酒店附近一間細細的食店裡食，日本的食店好多也是用售票機買了票先的，睇左一輪d餐單，都唔知 咩黎……d 日文好深，突然有一個中年日本男人走過黎幫手，問我地想食d咩，全靠他終於揀好左，我揀左個親子丼， 即是有雞有蛋的飯，仲有一碗烏冬，之後他一路同我傾計！！我都唔知佢講乜！講講下仲話想請我地去唱卡拉ok！！ (唔係下化)，跟住我地都話唔好了，他突然打左個電話俾唔知邊個，仲叫我聽！！我又唔知電話果個人講乜，那個男 人似乎很無癮，之後便走了……(lucky)，這一日就咁完了。