13/04/2009 北京五天遊 Day 4 (下)

天壇公園

享受完愉快的湖上之旅後, 便乘旅遊巴前往天壇公園, 下車的時候, 發現個天突然好藍, 好好天啊！脫下外套走入天壇, 穿過正門不久, 就看見『圜丘壇』。

天壇正門

『圜丘壇』是皇帝舉行祭天大禮的地方, 壇是圓型, 而外牆是四方型, 有天圓地方的含意, 另外, 壇的地磚最內層是9塊, 下一層是9的倍數18塊, 如此類推, 共有9層, 有九五至尊的含意, 壇中心的圓型石板叫做天心石, 站在上面說話, 聲音會被外牆反射而有回音的效果, 領隊給我們作出示範, 的確是有少少少少回音的。再向前走, 到了『皇穹宇』。

 圜丘壇

祭天時所使用的祭祀神牌都會放在『皇穹宇』, 這裏還有 2 個有趣的地方, 在殿前有三塊石叫做『三音石』,在第一塊拍手會聽到一下回音, 在第二塊拍手會有2下回音, 第三塊拍手會有三下回音, 領隊即場示範, 真係有唔同次數的回音, 太神奇了！！！原理係外牆反射, 古時又會玩呢d花巧野, 勁！第2個有趣的地方是, 這裏的外牆被稱為『回音壁』, 領隊又即場示範, 領隊站在超級遠的右邊外牆, 我們全團人站在左邊, 大家的身體要面向著領隊的方向, 當領隊大聲說話時, 只要是靠著牆, 無論相隔多遠, 都會聽得到對方的聲音, 可是, 也許是現場太嘈雜, 我聽不到領隊的叫聲, 但團友們都話聽到喎。無論如何, 都幾有趣, 有得睇有得玩。

皇穹宇

再向前走, 突然風雲變色, 刮起大風, 幸好沒有下雨, 我們繼續前進, 到了『祈年殿』, 是天壇的標誌, 也是北京的標誌之一, 可惜的是, 好大風, 我件外套放左係旅遊巴, 好凍, 冇乜點細心欣賞便躲在出口避風, 等回程到旅遊巴, 之後, 我們便結束天壇之旅, 去食晚飯。

 祈年殿

天津百餃園

今晚, 我們是食『餃子宴』, 顧名思義, 就是食好多餃子, 最初的餸菜是白飯, 湯等, 之後便不停送上餃子, 總共有 9 碟, 食到傻, 有幾碟我個人覺得好難食, 其中一款食一啖已經想嘔, 我都係唔o岩食北京餃子, 香港同日本既餃子好食好多。食過晚飯後, 今晚是我們在北京的最後一晚, 領隊為我們準備了腳底按摩, 真細心。

腳底按摩

我們到了北京體育館, 領隊說按摩的師傅都係幫奧運選手按摩的, 係真唔係呀, 起初我諗住唔按的, 因為睇 TV 見d人好似好痛, 但後來我又唔知痴左邊條筋, 當工作人員問我做不做按摩時, 我答了"做" (國語), 一場黎到, 乜都要玩下, 而且又唔駛錢, 首先會用熱水浸腳, 之後師傅會按摩肩膀, 跟住就腳底按摩, 其實又唔係好痛, 甚至冇乜感覺, 點解 TV d人會咁大反應？按左一個鐘, 就回酒店了, 明天就係最後一日, 會參觀水立方同鳥巢呢！