Betsu no Sekai: 14/04/2009 北京五天遊 Day 5 (下)

全聚德烤鴨

我們在北京最後一餐, 就是好出名既全聚德烤鴨, 就是那些用塊野包住鴨皮那種, 餐館在有『酒巴街』之稱的『荷花市場』裏, 全條街都係餐廳, 靠住一個湖, 有好多露天的枱椅, 可以一邊用膳一邊欣賞湖景, 不過我們不是在室外食飯, 反而是地牢！我們乘升降機到了地牢, 嘩！好有中國特色, 仲有個小型圜丘壇, 真係間間餐廳都有驚喜, 我們坐好後, 不久就有侍應即場切烤鴨, 並示範如何包一隻烤鴨食, 我跟足指示做, 都幾好食, 烤鴨好快就俾人食晒了。離開全聚德, 我們還有最後一個景點 --- 德勝門箭樓。

荷花市場入口

驚見！咁有中國色彩的 Starbucks, 要影低

嘩, 有個小型圜丘壇, 似乎用黎表演用

德勝門箭樓

德勝門寓意以德取勝, 在明清兩代, 軍隊從德勝門出城, 意味此行必然可以得勝。我們到了德勝門, 立即有工作人員為我們介紹德勝門歷史, 跟住入左一間房, 介紹三大風水鎮物之三 --- 貔貅。話題開始變成風水, 貔貅為人們帶來幸運, 摸過可以令運程變好, 我們當然要摸下啦, 跟住仲要有講座介紹貔貅, 原來係sell 貔貅, 買一隻大送一隻細, 我其實幾有興趣買返隻擺下, 見佢有隻超細版貔貅, 諗住買果隻啦, 點知一睇價錢, 嘩！好貴, 唔買了！而其他團友看似都有同我一樣既反應, 一個一個行出房, 剩下無奈的工作人員, 場面好好笑！在德勝門逗留了一會, 我們便乘旅遊巴去機場了。

回港

我們是坐5:30pm那班國航客機, 在北京機場自行寄倉, 仲可以揀窗口位坐, 正啊！之後便去機場既店舖買手信, 過關及檢查行李都一切順利, 很快便到了登機閘口, 原來我們的閘口會乘坐巴士前往登機坪, 換言之, 我們又可以近距離見到飛機了, 這一次, 要同飛機合照！我們在飛機前左影右影, 影到唔捨得上機, 之後我們便進入客機, 等待起飛了。飛機起飛的一刻, 我們望著窗口, 要同北京講 bye bye了。

飛喇 (圖中當然係人地架機)

窗口位指定動作, 影天空

呢個飛機餐真係麻麻地.....

後感

這一次的北京旅行, 沒有想過會那麼盡興, 就好像修學旅行一様, 跟著老師, 上了一堂活生生的中國歷史課, 最初只是因為想看看故宮是怎樣, 看看長城是怎樣, 想不到原來古蹟背後的歷史是蠻有趣的, 漸漸想了解明清兩代的歷史, 故宮, 長城, 頣和園, 天壇, 定陵, 每個古蹟都有它過去的故事, 能夠親臨這些地方, 有一股莫名的興奮。坐覽車上長城, 坐三輪車遊胡同, 坐船遊頣和園, 回想也覺得開心。此外, 水立方及鳥巢, 令人再一次回想起奧運的盛況, 創新的外觀使人留下深刻的印象, 但聽聞可能會改建呢。

另一個驚喜的是, 想不到北京的餐廳會咁靚, 咁grand, 最初以為會是很中式的佈局, 有點髒, 但出乎意料之外, 每間餐廳也給我驚喜。住宿方面也是一流, 潔淨舒適, 自助早餐的食物非常豐富, 應有盡有。

常聽人說跟團會帶你到一些手信店買手信, 唔買唔准走, 這一次我體驗到的是, 不是傳聞中那様, 旅行團所帶我們去的商店, 都會首先有工作人員作詳盡講解, 買與不買是個人的自由, 從中我反而得到中藥, 玉器, 絲綢及風水的知識。

領隊曾說奧運後的北京改變了很多, 環境潔淨了, 綠化了, 2009年, 將會是北京的旅遊旺年, 如果喜歡明清兩代的歷史, 絕對要去北京逛一逛, 你會獲益良多。旅行就是應該增廣見聞, 認識當地文化及歷史, 就是這次旅行的後感, 我給這次旅行 --- 滿分！
(不過, 喜歡Shopping, 科技, 潮流, 還是去日本好)

紀念品篇

我最喜歡就是在每一個景點買一點有紀念價值的紀念品, 但北京的景點真係唔夠生意頭腦, 好多景點都冇紀念品賣, 可惜。