絲綢館
一 入到店內, 便有工作人員為我們介紹絲綢是怎樣形成, 製造, 如何分辨好壞等等, 工作人員還會示範撕開蠶絲來製造一張絲綢被, 最後, 又係sell product既時間, 買呢個送呢個, d絲綢被又真係幾滑既, 但係太貴喇, 買個枕頭都買唔起啦。離開絲綢館, 就會去另一個注目的景點 ---- 水立方及鳥巢。
蠶蛹
眾所周知, 水立方就是奥運時舉行游水比賽的國家游泳池, 其獨特的外型, 猶如一個裝滿水的立方體, 在外牆上安裝了面積大小不一, 鍍點不同的膜結構。在電視上看見時已經好想親眼去觀摩一下, 終於這日來到了, 我們從水立方外圍慢慢走入水立方的範圍, 聽到水立方播著天空之城的純音樂, 沿途會經過鳥巢, 遠距離看都覺得好正, 好宏偉！
稍後我們會進入鳥巢, 我們首先會進入水立方, 入水立方前要檢查行李, 通過後看見有幾隻人扮的福蛙, 好恐怖, 合照仲要收錢, 我們等齊人後便進入水立方, 內裏的裝潢好清新, 感覺好乾淨, 領隊給我們半小時自由活動時間, 可以走入觀眾席, 可以去買紀念品, 於是, 我們便把握時間, 去左買紀念品先, 嘩, 花多眼亂, 有好多紀念品, 而且都有質素, 鎖匙扣, 衫, 電話繩, 杯, 銀包, 鏡盒, 應有盡有, 左揀右揀, 終於買左幾様野, 一睇手錶, 淨返一個字要集合, 我們即刻衝入觀眾席睇下泳池啦。
水立方入口
泳池的環境依然係好清新, 藍及白的顏色, 天花滲下來的光線, 令整個泳池好清新, 好舒服, 的確係一個好靚既泳池, 感受完一番後, 便急急腳去集合地點, 原來我們都不是最遲的, 跟著, 我們便前往鳥巢。
個天花真係好靚呀
鳥巢
其實, 我們團並沒有包埋參觀鳥巢裏面, 但可以自行買票入場, 我當然要入內參觀啦, 所以便買票入場, 到指定時間同領隊集合, 門票50蚊人民幣, 入場也是需要檢查手袋, 入場既人好多, 排左一陣隊, 終於過到關口, 慢慢走入鳥巢內部。
嘩！好大好靚！在現場睇奧運一定好正吧！中間既草地可以讓人下去, 仲有一隻吹氣既福蛙在場中央, 可惜跑道封閉了, 原本諗住可以在鳥巢飛奔100米, 不過, 取而代之, 我們在草地上跳........, 我們在草地上四圍拍照, 同時感受一下奧運當時的盛況。不過, 鳥巢的內觀, 不及外觀那麼有睇頭, 外觀的設計實在太出色了, 真係好似一個鳥巢, 中國這2個為奧運而建的水立方及鳥巢實在令中國人十分自豪呢。我們看一看手錶, 又要遲到了, 於是趕往出口, 可是, 在出口前見到紀念品店, 點都要入去掃下貨啦, 用超高速揀左條電話繩, 已經遲左2個字了, 我們便跑往出口, 看見領隊在出口等緊我們呢, 真是不好意思, 但與此同時, 我們曾在鳥巢又跑又跳, 寫下光輝的一頁, 很完滿.......跟著, 我們便去食午飯。
沒有留言:
張貼留言