24/07/2006 東京遊 Last Day

今日係旅行既最後一日，check out完酒店後，我們便出發去淺草。首先;在上野火車站放低d行李，便乘地鐵到淺草。走出車站行幾步便到了雷門 淺草寺，同我想像中有好大出入，我以為是一個充滿日本歷史感既寺廟，但那一刻我完全感受唔到，裡面的街也大失所望，只是一條普通的商店街，紀念 品擺滿2旁，見到好多旅行團到訪，也遇到不少香港人。再走入d便是淺草寺廟，我買了2個護身符，及許了一個願，臨走前買了一個飾物及人形燒給家人。 跟著回上野買手信，去到一間叫『二木之果子』買手信，掃左幾樣野900yen都唔駛，抵到爛！之後到上野火車站再食『一蘭』拉麵，我當然再來多個半 生熟蛋，依然係咁美味，這一餐是這次旅行的最後一餐呢。食完後，便乘坐京城特急去成田機場了，結束這次令人難忘既東京之旅。

後記

這次的旅行之前雖然遇到重重既阻攔，但最重要的是最後所得到的回憶。富士電視台既搵笨遭遇、同日本朋友既晚飯、maid cafe 既體驗、concert中既種種見聞、同朋友們一起所發生既趣事，這些都是我這次旅程所得到最珍貴既回憶。Morning娘既concert如果 有機會既話，真的想再看一次，但希望坐前d (=_=) 另外maid cafe，下次我想試下去maid茶房~~

日本電視節目都好悶，特別係朝早，台台好似播同一樣野咁，係有一台幾好睇，每朝都會準時收睇(^_^)，節目名叫『ohasuta』，係 一個兒童節目(=_=)，但真係比其他台好睇好多~ 另外有一晚睇到一場棒球賽，有個投手竟然不斷投出160km/h既球，超勁，對手食晒 3振出局！

號外號外！我在整個旅程中，還無無聊聊地在經過的車站拍低車站名！請大家一起來見證我的白痴行為(^0^)

23/07/2006 東京遊 Day 5

今天是這次旅行既頭盤，就是期待已久既hello project concert，concert大約會在2點開始，我們本來預定早上到代代木公園逛逛先， 再11點到會場排隊買concert goods，但我們9點幾去到會場時，已經人山人海，買concert goods既人龍已經排到見唔到尾，我們唯有取消 逛代代木公園，提早排隊買野。在會場外排隊時，聽到會場內有音樂傳出來，心諗就快可以見到真人，真係超級開心，係好實在既感覺。排隊的時 候，可以睇到日本fans真的十分狂熱，他們的自製衣著十分有創意，掛晒相寫晒大字咁，hello project有好多成員既關係，分開『門派』自然 在所難免，佢地會將自己喜歡既成員展示在衣著上，一眼就睇得出邊個支持邊個成員了。這種狂熱既文化使我對即將舉行既concert更加期待，心 情自然不禁興奮起來。到11點幾，我們終於入到去counter買concert goods，龜井既solo相竟然賣晒，我先前和朋友傾掂數，我用2300yen 買了一個護腕，另外一件衫就用2000yen讓給他，並且用了2000yen買了一本場刊，我的朋友們仲勁，只可以用『瘋狂』來形容，狂掃konkon既 goods，我不記得他們用了多少錢，但我們真係滿載而歸，成個過程也好搞笑。走出會場，諗住食個lunch就回去睇concert，一出到會場，就發 現有concert既相片賣，原來日本都興呢味野，d相都係前幾場concert中各成員既相片，我唔知佢知點影出來，因為會場內係唔俾影相的。我買 了一個龜井襟章，掛住係身扮下野，要融入hello project concert既文化麻！那麼大家就知我係龜井既fans了(^o^)！我們隨便揀了入吉野 家食lunch，食完後，便懷著興奮既心情向會場出發。

回到會場時，真的可以用人海來形容，各個門派既fans都聚集在會場外 (武林大會？) 我們跟隨著人群慢慢移入會場，經過第一個閘口收ticket， 之後第二個閘口要檢查手袋，因為相機係唔可以帶入場的，而我帶著相機就預左要放低部相機俾工作人員keep了，但當check我手袋時，佢望2眼就俾 我過左 (0_0) 咁唔認真既！？難怪出面有咁多相賣。入到會場，又有counter賣goods，今次係cd及dvd的產品，周街都賣到的。我們搵番我地『山頂』 既『雅座』，但坐低時給了我們驚喜，表演台不是在左或右邊，而是正正在會場館中間既位置，正好是我們位置的偏左少少，距離完全不是想像中咁遠， 真是太開心了！concert到了2點還未開始，人群仲陸陸續續走進來。騎呢既fans還真是不少，好似自己開show咁，但見到都係龜井fans既人都會特 別開心。會場內燈光突然熄晒，舞台燈光亮起，音樂亦緊接著播出，我們坐這2樓的全層人企晒起身歡呼，我們當然也一起企起身睇啦，見到hello project既成員陸陸續續行出舞台，真的開心死了！見到久違了既真人啊！首先描述一下我2樓的情況，真的非常之high！全部人企晒起身之餘，手 中好有節奏咁揮著螢光棒，叫著『哼！哼！』咁。Hello project d舞通常都會有指定手勢舞蹈，當到那一刻時，全場人都會一起做那個動作，就好 似sexy boy手指指向天既動作，成場人一起做既情景你可以想像得到嗎？我當然也跟著一起做啦，如果你不是fans的話，你一定會覺得好白痴，但身 為fans的我，而且身處在一堆『自己人』既人群中，一起跳一起叫的感覺真的很棒，係好開心好好玩的，大家可以毫不顧慮支持自己喜歡既成員，當時 那種熱烈既氣氛我到現在還瀝瀝在目，真的好high (我回港後仲經常聽番sexy boy，做番那個手勢 ^_^)，舞台既設計係4面台，就像一個『田』字 咁，成員可以走來走去。開場不久既MC時見到希美要工作人員扶出舞台同觀眾打招呼，原來她在之前既concert跌落舞台受傷了，看不到她的演出真 是可惜。今次concert既重點在konkon及makoto身上，螢光幕經常都會focus在她們身上，我的朋友們是konkon fans，所以經常會拿住望遠鏡 望住konkon，幸好朋友有準備望遠鏡，我們這個距離雖則大約見到邊個打邊個，但樣子就真係睇唔清楚，我用望遠鏡除了看龜井外，也會看看其他人 ，但cute d人還是分唔清楚。說回觀眾席上的fans們，他們真係全部舞都識跳，我不斷模仿他們既動作一齊跳，好好玩。到morning娘表演的時候， konkon及makoto換了一件很搶眼既公主裙，全場焦點也集中在她們2個身上，看見konkon好努力地跳舞及唱歌，真的感觸良多，回想她剛入morning 娘時唱歌唔夠氣，說話時緊張到口震震，現在的她已經今非昔比，變成一個偶像呢。Concert隨著最後一首mix大混唱後，便曲終人散，歷時雖然只有 約個半鐘，但真的開心到暈，以為會有encore，但其他人都徐徐離場，就知道冇encore了，唯有祝konkon一帆風順，前程似錦。這次的concert真 的開心到爆，用了2倍既價錢買張坐山頂既ticket也覺得物超所值，這些體驗不親身試下是不會知道難能可貴，香港的concert氣氛真的差好遠，大家 都坐定定聽歌，企起身既話，d食蕉就會叫你坐番低，不過香港缺乏這類跳舞組合，大多係solo歌手，總不能比較。

懷著依依不捨既心情離開會場，看見睇晚場既fans在排隊等入場，就怒bear佢地，好明顯係妒忌 (T_T) 走過對面既代代木公園，有d band 正在 表演，幾好聽的，現場聽band sound真係幾好feel。之後步行去涉谷車站，準備去下一個event去多摩川睇煙花。乘坐火車到達多摩川，開始下著微 微細雨，我們到達了那條橋後，發覺人影都冇，知道唔對路了，去了派出所問警察叔叔，原來是在另一個同名的多摩川站，oh my god！沿路都見到幾 個著住浴衣既少女，正 (A_A) 由於時間已經不早，我們決定放棄煙花回去涉谷食dinner，去了『一蘭』食拉麵，最難忘是那隻半生熟蛋，自己剝殼的 ，好美味。吃完後，其中一位朋友回會場買konkon相，我和另一個朋友逛一逛涉谷便回酒店了。晚上我們集合在我間房分享戰利品，他們仲要幫戰利品 逐個拍照 (=口=)，但他們的喜悅，我能感受得到呢。

22/07/2006 東京遊 Day 4

今天我們會去築地食早餐，在築地搵一間叫『大和』既壽司店，搵左好耐，終於搵到，而且如傳聞一樣要排隊，門外已排了二十幾人，當中 也不乏香港人呢。我們排了約個幾鐘，終於到我們，我的朋友們都點了套餐，約3千多yen，我只諗住試幾樣，所以首先只叫了蝦同魷魚壽司， 但每樣竟然只得一件 (=O=) 當堂 O 晒嘴，這2件多謝1100yen丫~ ~ 食左又唔覺有咩特別，本來諗住收手唔食了，,但又衰為食，叫多件星 鰻壽司，多謝300yen，食埋呢件就真係收手了，這一餐『早餐』我只食了3件壽司，付出了1400yen ($93.8)，你話勁唔勁！大家下次記住叫 套餐，逐件叫真係逐件俾你，不要學我做傻仔。吃完後，我們到東京火車站影相，在東京車站商場內發現了幾間電視台專門店FUJI shop、NHK shop及TBS shop。還有一間TOMICA專門店，我買左架直昇機，好盞鬼架。之後便在東京車站外影相，影完相後便出發到久違了既秋葉原。

到了秋葉原車站，我們急不及待同秋葉原車站拍照，車站出口有好多maid服既女仔派傳單，我們不禁都偷影了她們，但為何不見好多人一齊 圍住cosplayer影相既情景，有點失望。我們跟著打算到今次旅行其中一個重點『maid cafe食lunch』，我們戰戰兢兢地去到門口，透過玻 璃窗望到裡面既情況，有好多人在裡面，也親眼見到著住maid服既侍應，有maid從店裡走出來，她同我地講了一大堆日文，完全唔明佢講咩， 我便拿出紙筆給她，睇日文字我們還應付得來，她寫了全部都係平假名既日文，一個漢字都冇，幸好最終也明白當中既意思，原來店內已經滿席， 要拿號碼牌等30分鐘。我們登記後便到在下一層的lobby等，lobby裡已有一大堆人等緊，有男有女。Lobby放著好多maid cafe既精品，有食物 、飲品、貼紙、cd及poster等，電視亦播放著maid 的唱歌片段，我買了一隻album同一set相，同埋飲左罐朱古力。等了超過30分鐘，都仲未輪 到我們，唯有吹下水消磨時間，差不多等了1個鐘，終於叫我地，我們走上去，但唔知咩事，仲未入得，個maid又講左一大堆日文完全唔明，我又出 動我本筆記 (yeah！又多個maid 既真跡！) 不知咩原因，佢話仲未入得，叫我地回lobby再等多陣，我們很無奈，唯有落去再等，今次等了10分 鐘到，便到我們了。我們成功進入了maid cafe，入口處有maid同我地講『歡迎回來，主人』，就座後便睇menu揀野食，d野食都唔算太貴，我 揀了一個lunch set，有意粉、沙律及湯。點完野食後，梗係周圍望(A_A) d侍應靚唔靚就見仁見智，但件maid服真係好靚，店內裝修不是太特別 ，有個表演台，有吸煙區，除了吸煙區外，其他座位都是一字型望向台果面。店內也能播放著maid既唱歌片段，店內的客人也不是想像中的御宅族 ，有男有女，也有成家人及情侶，感覺上只是一間普通的cafe罷了。我朋友叫了一杯奶茶，maid問她要幾多奶及甜漿，親自幫佢加落去，真係好好 服務，而之後還來了一個十分可愛既兔仔樣既cheese cake，十分搞笑。我的意粉也不錯，都幾好味。其間見到有d人同maid玩遊戲，3分鐘要500 yen，同電視看到一樣，旁邊放著一個漏斗計時，真係唔明d人點解咁闊綽，仲見到有人送野俾maid，好似係親自用電腦做的月曆之類，真係神心啊... 臨走之前，我們想和一個maid合照，當然要收錢啦，500yen一張，但留個紀念都是值得的，我諗住同一個叫mira既maid合照的，之後又出現雞同 鴨講既情況，她說了一句『can you speak english』，講得好得意 (^_^) 原來是指定了一個maid合照的，冇得自己揀，因為唔知果個maid係 咩樣，她叫了她過來，見到後有點失望，但又唔好意思縮沙，便硬著頭皮話冇問題，等左一陣，影左幅勁白痴既相，睇完已經想燒左佢，就這樣我們在 maid cafe 逗留了超個3小時，但這種體驗，我還是覺得值得的，下次有機會我還想再去一次。

離開maid cafe，在秋葉原四處逛，去左好多間game舖搵game，我搵到jet de go 2，但賣2700yen，太貴了，覺得唔係好值，冇買到， 成條街都係賣game既店舖，好多都有二手售賣，好舊既game都有可能搵到，但價錢未必會好平。模型也是一樣，香港有d仲平。我在秋葉原買了一 支『Lightalk』，係一支可以scan字or圖後，狂fing就會出現剛才scan過既野，係咪好勁 (但番到香港有同事話我知香港都有得賣……orz) 另外 買左隻超人送俾表弟。秋葉原d店舖都好早close，我們8點幾便離開秋葉原回池袋搵野食，試旦入左一間叫『C&C』既咖哩屋食左個咖哩豬扒飯，又 幾OK喎，之後便回酒店，同maid影那張白痴相仲俾朋友恥笑呢 orz。

21/07/2006 東京遊 Day 3

這天的朝早已下著雨，我們拿著雨傘到明治神宮參觀。到了正門，雨下得越來越大，走進怖滿樹木的路上加添了不少恐怖感。走入了本 殿，也有不少外國人正在參觀，我買了2個護身符，及許了一個願，就是那種拋錢入錢箱，再拍2下手的那種，我的朋友寫了一塊許願板，寫 了什麼我沒留意。神社不是太大，也沒有什麼特別，但我們只係影相也花了幾個鐘。

離開了神社，出口附近便是原宿火車站，火車站對面有一間snoopy town，我們逛了逛snoopy town後，便向竹下通方向進發，沿途又 發現了kamo運動店，我當然走入去掃貨啦，見到好多心頭好，但最後我只買了一條中田英壽電話繩及護腕。到了竹下通，果然如傳聞一樣，好 多潮女型男，睇到嘩嘩聲，好多女仔都打扮入時，店舖還播放著yui既good bye days，充滿了年青人感覺既街。竹下通裡有hello project shop本店，我們當然要去參觀一下，店外櫥窗擺放著morning娘各成員著過既服飾，店內都總算有裝修過，好過大阪同京都果2間，好似就快執 笠咁。店內差不多只有公式照賣，相片貼換牆上，我沒有買任何東西，而朋友就買了幾樣konkon既野。離開竹下通，通過表參道，感覺就像尖沙 咀既柏麗大道，各式名店臨立，我呢d窮等人家梗係直行直過啦，繼續向前行，去到涉谷附近一間松屋吃lunch，感覺同吉野家差唔多。到了涉谷 ，人來人往，不愧係重點購物城市。朋友話要買野俾妹妹仔，帶我去逛109，原來全楝都係賣女性服飾，2個男人走入去真係有點異相(=_=) 但好 多野睇 (A_A) 之後去BOOK 1st 搵雜誌，真係俾我搵到上一期BLT，同埋見到榮倉奈奈寫真集，好鬼想買，但都係忍手冇買到(不過而家後悔中 ORZ)。離開後到了UNIQUO，諗住睇下有咩袋賣，一入到去就睇中了一個袋，諗都冇諗就俾錢買了！我好少買野咁爽快呢！因為晚上我約了日本朋 友吃dinner，所以回酒店準備一下，就這樣從涉谷回去池袋。

晚上7點正，我在JR池袋站中央口1出站處等待日本朋友，她也很準時到達，連同她的朋友，我們3人到『笑笑』食dinner，我第一次去『笑笑』 ，環境好暗，聽講香港都有分店。這一餐叫了好多野食，但其實是唔食得飽的，但口中當然說飽了飽了，因為知道d野唔會平。我們傾談了好多東西， 原來巴士大叔已經跳出香港，連日本人都知，仲問我巴士大叔之後點，我都唔知佢點，答唔到佢。食到9點幾，我們便道別，我也回酒店去，返到酒店 仲播緊太陽之歌，我買了個杯麵，食完杯麵後便訓了。

20/07/2006 東京遊 Day 2

這個早上，我們要去三鷹之森美術館，到了三鷹後，因為唔識路，拿住本map周圍望，有一個警備員叔叔走過來問我們想去邊， 他用超純正既英文教我地點行，他的英文發音好準，一d都唔似日本人既英語呢，最後他還用國語同我地說『再見』，勁呀！精通三國語言！ 我們沿著行人路一直走，途中會有d牌寫住仲有幾多米會到達三鷹之森美術館，好有趣，走到去仲有300米的時候，開始下起細雨來，走多一 會，終於到達三鷹之森美術館了，正門的櫥窗中已擺放著一隻『龍貓』歡迎我地。順著排隊的人龍，我們步入了美術館中，裝修很是華麗，首 先走進了入口右邊的動畫展示室，最令我讚嘆的絕對是那個以超高速旋轉加上燈光形成動畫既展品，很厲害，不同腳部動作既貓巴士模型經過 高速旋轉後，貓巴士的腳就彷彿向前跑一樣！而且係十分流暢！睇到目瞪口呆。跟著我們便走到映像展示室睇一套片長15分鐘的動畫，故事雖 則不是完全明白，但深深感受到宮崎駿既幻想世界。再上2樓參觀宮崎駿既工作室，有原稿，彩畫，動畫制作連環圖欣賞，對於我這些懂得畫漫 畫既人來說，感受相信俾一般人更深，不其然向他至敬起來。其後，看見了一隻很大的毛毛貓巴士，好多細路正在玩緊，在旁邊有一條旋轉型 樓梯上天台，天台上放著天空之城的著名機械人，呢個係可以隨意影相的。最後，我們到了紀念品專門店，一場來到梗係買番d紀念品啦，左 揀右揀之後，揀左隻細貓巴士，其實仲想買個魔女宅急便既琪琪figure的，但又整得不是太似，最後都冇買。

 

離開了美術館，往吉祥寺方向進發，我們打算到一間在吉祥寺好出名既牛肉店食lunch，但去到之後，還是選擇了在旁邊的吉野家食 (=_=)下一個景點是自由之丘，環境明顯比購物熱點清幽好多，我們去到這裡出名既LA.VITA影相，原來是那麼細的，我睇旅遊書時還 以為是一個好大的景點，影過相後，和其中一位朋友分頭行事，我和另外一個朋友決定到台場去。到新橋轉乘無人駕駛電車，乘車中沿途 眺望到東京鐵塔，好鬼開心，即刻用相機影低左。

到達了台場，見到富士電視台好熱鬧，因為台場冒險王正在舉行中。我們首先同彩虹橋及自由神像影番幾幅相先，彩虹橋比我相像中普通 ，自由神像又細得很。當時天氣好清爽，微風吹過身上十分之舒服，有一種心礦神怡既感覺。前往富士電視台途中，見到有間jump shop， 即刻衝入去睇啦，見到有one piece海盜旗賣，成2000yen，雖然好鬼靚，但忍手冇買到。跟著到了富士電視台，我一直也想到富士電視台 參觀，因為我是一個超級日劇迷，到了富士電視台樓下，唔識點入去，搵左幾個字先識上去，富士電視台有一個出名的球體展示室，要500yen 入場費，一場黎到，就上去望一望啦，一上到去，燈都熄晒咁濟，人影都冇隻，周圍空空如也，好似收左工咁，我知道被搵笨了(.\ _ /.) 逗留左唔知有冇 3 分鐘就一肚火咁走人，落到地下，記得應該仲有其他野睇架，但唔理咁多，去紀念品shop買野先，買到『醫龍』裡既神龍 公仔，總算下一下火，離開紀念品shop，望到下一層係studio展示室，當然入去參觀一下，但幾個studio都冇人拍野，有冇搞錯！離開富士 電視台，到附近的商場食dinner，去左『和幸豬扒飯』食，好好味！我仲加多碗飯tim，食到攬住個肚離開。時間已經係晚上9點幾，到外面 影一影彩虹橋夜景，夜景果然倍加迷人。就這樣回去酒店結束這一天。